Its Faraz Collection.....

[FaZi KhaN]

Ho teri Yaad Ka Dil Mein Guzar Aahista Aahista
Kare ye Chand Sehra mein Safar Aahista Aahista

Bohat Tezi se Duniya Cheen le gi Jab Tujhe mujh se
To Phir Iss Dil mein Aise Mat Uttar Aahista Aahista

K Hum Dosto ko Rakhein Dhoke mein Khush kalami se
Hume Aa hi Gaya Ye Hunar bhi Aahista Aahista

Kahein se Ek Verani ka Sayaa Phailta aaya
Hue Bey Rang Sab Diwar-o-Dar Aahista Ahista

Na toote or kuch din Tujh se Rishta is tarha mera
Mujhe Barbad kar dey tu,Magar Aahista Aahista

Ye khamoshi yaha ka Husan hai Rakhna Khiyal is ka
Kamaal Iss dasht e wiraa'n se Guzar Aahista Aahista

Similar Threads:

• Your Favorite Poetry & Poet | Replies: 3">Ahmed Faraz Collection
• Your Favorite Poetry & Poet | Replies: 30">Ahmed Faraz Poetry Collection..!!!
• [ Congratulations ] SENTIMENT Bulletin | Replies: 37">~!~Congratulations Faraz~!~
• Humor and Jokes | Replies: 3">Bahir Foji Aay He~~ And Faraz Ahmad Faraz~~

[FaZi KhaN]

Mai chup raha keh zeher yehi mujh ko raas tha
Wo sang-e-lafz phaink kar kitna udaas tha

Aksar meri qaba pay hansi aa gai jissay
Kal mill gaya toh wo bhi dareeda libaas tha

Mai dhoondhta tha door khalaaon mai ek jism
Chehron ka ek hajoom meray aas paas tha

Tum khush they patharon ko khuda jaan kar magar
Mujh ko yaqeen hai wo tumhaara qayaas tha

Bakhsha hai jis nay rooh ko zakhmon ka perahan
*Mohsin* wo shakhs kitna tabiyat shanaas tha...

[FaZi KhaN]

Tazeer-e-ehtimaam-e-chaman kaun day gaya
Mujh ko gulaab jaisa kafan kaun day gaya

Daikhay jo khad-o-khaal toh socha hai baareha
Sehra ki chaandini ko badan kaun day gaya

Meri jabeen ki saari lakeerain teri atta
Lekin teri qaba ko shikan kaun day gaya

Teray hunar mai khulqat-e-khushboo sahi magar
Kaanton ko umer bhar ki chubhan kaun day gaya

Jungle say poochti hain hawaaon ki barhami
Jugnoo ki tairgi mai kiran kaun day gaya

Kis nay basaaye aankh mai ashkon kay qaaflay
Be-ghar musaafiron ko watan kaun day gaya

Tujh say toh khair pall ki musaafit ka saath tha
Meray badan ko itni thakan kaun day gaya

Todha hai kis nay nok-e-sinaan par sakoot-e-sabr
Lab bastagi ko taab-e-sukhan kaun day gaya

*Mohsin* wo kaayinaat-e-ghazal hai ussay bhi daikh
Mujh say na pooch mujh ko yeh funn kaun day gaya

[FaZi KhaN]

Wafa mein Aab yeah hunar Ikhtiyaar karna hai..
Woh sach kahay na kahay aaitbaar karna hai..

@};- @};- @};- @};-

Yeah tujh ko jaagtay rehnay ka shouq kab say howa ?
Mujhay tu khair taira intazaaar karna hai

@};- @};- @};- @};-

Hawa ke zad mein jalanay hain ansoon kay chiraagh
Kabhi yeah jashan sar rah'guzaar karna hai

@};- @};- @};- @};-

woh muskura kay naye waswasoon mein daal gaya
Khayaal tha eh ussay sharamsaar karna hai

@};- @};- @};- @};-

Misaal e shaakh e barhana khizan ke rut mein kabhi
Khud apnay jisam ko bay barg o baar karna hai

@};- @};- @};- @};-

tairay firaaq mein din kiss tarhaan kattain apnay
Keh shughal e shab tu sitaray shumaar karna hai

@};- @};- @};- @};-

Chaloo yeah ashak hee moti samajh kay baich ayain
Kissi tarhaan tu humain rooz'gaar karna hai

@};- @};- @};- @};-

Kabhi tu dil mein chupay zakham bhi numayaan hoon
Qaba samajh kay badan taar taar karna hai

@};- @};- @};- @};-

Khda khabar yeah koi zid keh shouq hai mohsin
Khud Apni jaan kay dushman say payaar karna hai

[FaZi KhaN]

zikr-e-shab-e-firaaq se vahashat use bhii thii
merii tarah kisii se muhabbat use bhii thii

mujh ko bhii shauq thaa naye cheharo.n kii diid kaa
rastaa badal ke chalane kii aadat use bhii thii

us raat der tak vo rahaa mahv-e-guftaguu
masruuf mai.n bhii kam thaa faraaGat use bhii thii

sunataa thaa vo bhii sab se puraanii kahaaniyaa.N
taazaa rafaaqato.n kii zaruurat use bhii thii

mujh se bichha.D ke shahar me.n ghul mil gayaa vo shaKhs
haalaa.Nke shahar bhar se raqabat use bhii thii

vo mujh se ba.Dh ke zabt kaa aadii thaa jii gayaa
varnaa har ek saa.Ns qayaamat use bhii thii

[FaZi KhaN]

Thahar jaao ke hairaanii to jaaye
tumhaarii shakl pahachaanii to jaaye

shab-e-Gam tuu hii mahamaa.N ban ke aajaa
hamaare ghar kii viraanii to jaaye

zaraa khul kar bhii ro lene do ham ko
ke dil kii aag tak paanii ho jaaye

balaa se to.D Daalo aa_iino.n ko
kisii suurat ye hairaanii to jaaye

[FaZi KhaN]

ye dil ye paagal dil meraa kyo.n bujha gayaa aavaaragii
is dasht me.n ik shahar thaa vo kyaa huaa aavaaragii

kal shab mujhe be-shakl sii aavaaz ne chau.Nkaa diyaa
mai.n ne kahaa tuu kaun hai us ne kahaa aavaaragii

ik tuu ki sadiyo.n se mere ham_raah bhiii ham_raaz bhii
ik mai.n ki tere naam se naa_aashnaa aavaaragii

ye dard kii tanhaa_iyaa.N ye dasht kaa viiraa.N safar
ham log to uktaa gaye apanii sunaa aavaaragii

ik ajanabii jho.nke ne jab puuchhaa mere Gam kaa sabab
saharaa kii bhiiigii ret par mai.n ne likhaa aavaaragii

le ab to dasht-e-shab kii saariii vusate.n sone lagii.n
ab jaaganaa hogaa hame.n kab tak bataa aavaaragii

kal raat tanhaa chaa.Nd ko dekhaa thaa mai.n ne Khvaab me.n
'Mohsin' mujhe raas aayegii shaayad sadaa aavaa

[FaZi KhaN]

humara kya hai ke hum to chiragh-e-shab ki tarah
agar jale bhi to bas itni roshni hogi

ke jaise tund andheron ki raah mein jugnu
zara si der ko chamke, chamak ke kho jaaye

phir is ke baad kisi ko na kuch sujhaayi de
na shab katay na suragh-e-sahar dikhayi de

humara kya hai ke hum to pas-e-ghubaar-e-safar
agar chale bhi to bas itni raah taye hogi

ke tez hawaaon ki zard maa_ill naqsh-e-qadam
zara si der ko ubhre ubhr ke mit jaaye

phir us ke baad na raasta na rah_guzar milay
hadd-e-nigaah talak dasht-e-bekinar milay

humari simt na dekho ke koi der mein hum
qabila-e-dil-o-jaan judaa honay walay hain

basay basaaye huye shahar apni aankhon ke
misal-e-khana-e-weeraan ujarhnay walay hain

hawa ka shor ye he hai to dekhtay rahna
humari umar ke khemein ukharnay walay hain...

[FaZi KhaN]

Kab tulak shab kay andhairay mein sehar ko tarsay
Woh musafir jo bharay shehar mein ghar ko tarsay

Aankh thehray howay paani say bhi katraati hai
Dil woh reh'roo keh samandar kay safar ko tarsay

Mujh ko uss qehat kay mosam say bacha rub e sukhan
Jab koi ehal e hunar, arz e hunar o tarsay

aab kay iss toor musalat howa andhaira har soo
Hijar ke raat mairay deeda e tar ko tarsay

Umar itni tu ataa kar mairay fun ko khaliq...
Maira dushman mairay marnay ke khabar ko tarsay

Uss ko paa kar bhi ussay dhoond rahi hain ankhain
Jaisay paani mein koie seep gohar ko tarsay

na'shana'saye kay mousam ka asar tu daikho!
Aaina khaal o khad e aania gar ko tarsay

Aik dunia hai kay basti hai tairi ankhoon mein
Woh tu hum thay jo tairi ik nazar ko tarsay

Shoor e sur'sar mein jo sar sabaz rahi hai mohsin
Mousam e gul mein wohi shaakh samar ko tars

[FaZi KhaN]

Fiza Ka Habas Shagoofoon ko baas kaya dai ga ?
badan dareeda kissi ko libaas kaya dai ga ?

yeah dil keh qehat e ana say ghareeb thehra hai
mairi zubaan ko zar e altaamas kaya dai ga ?

jo day saka na paharoon ko baraf ke chadar
woh mairi banjh zameen ko kapaas kaya dai ga ?

ye shehar, youn bhi tu dehashat bhara nagar hai, yahaan
diloon ka shoor hawa ko haraas kaya dai ga ?

woh zakhaam dai kay mujhay hosla bhi daita hai
aab iss say barh kay tabiyaat shanaas kaya day ga ?

jo apni zaat say bahir aa na saka aab tuk
woh pathroon ko mataa e hawas kaya day ga ?

woh mairay ashk bujhay ga kis tarhaan mohsin
samandaroon ko woh sehra ke payas kaya dai ga

[FaZi KhaN]

Kabhi jo cheirr gaee yaad-e-raftgaaN Mohsin
Bikhar gaee hain nigaahein kahaaN kahaaN Mohsin

Hawa ne raakh urraai to dil ko yaad aaya
K jal bujheeN mere khwabon ki bastiyaaN Mohsin

Kuch aaise ghar bhi miley jin mein ghoogatton k iwaz
Hui hain dafn dopatton mein larrkiyaaN Mohsin

Khandar hai ehd-e-guzishta na chhu na chheirr isey
Khulein to band na hon is ki khirrkiyaaN Mohsin

Bujha hai kaun sitaara k apni aankh k saath
Huey hain saare manaazir dhuaaN dhuaaN Mohsin

Nahi k us ne ganwaaye hain maah o saal apne
Tamaam umr katti yoon bhi raaegaaN Mohsin

Mila to aur bhi taqseem kar gaya mujh ko
Sameittna theeN jisey meri kirchiyaaN Mohsin

Kahin se us ne bhi torra hai khud se rabt-e-wafa
Kahin se bhool gaya main bhi daastaaN Mohsin

[FaZi KhaN]

Main k is shehr ka seemaab-sifat shaayar hoon
Meri takhleeq mere fikr ki pehchaan bhi hai

Mere harfoN, mere lafzoN mein hai chehra mera
Mera fan ab mera mazhab, mera eemaan bhi hai

Meer o Ghalib na sahi phir bhi ghaneemat jaano
Mere yaaroN k sarhaane mera deewaan bhi hai


Mujhse poocho k shikast-e-dil o jaaN se pehle
Mere ehsaas pe guzri hai qayaamat kya kya

Saaya-e-daar o shab-e-gham ki sakhaawat se alag
Main ne sochi qad o geisu ki alaamat kya kya

Mere toote huey khwaboN k kharaaboN se pare
Mere bikhre huey jazbe they salaamat kya kya


Tanz-e-aghyaar se ehbaab k ikhlaas talak
Main ne har ne'mat-e-uzma ka libaada pehna

Dast-e-qaatil ki kashish aap gawaahi de gi
Main ne har zakhm qaba se bhi zyaada pehna

Meri aankhoN mein kharaashein theeN dhanak ki lekin
Meri tasveer ne malboos to saada pehna


Zarbat-e-sang-e-malaamat mere seene pe saji
Tamgha-e-jurrat o ezaaz-e-hukoomat ki tarha

Khul k barsi meri sochon pe adaawat ki ghata
AasmaanoN se utarti hui daulat ki tarha

Qarya qarya hui ruswa mere fan ki chaahat
Kone kone mein bikharti hui shohrat ki tarha


Mujh pe karrki hain kamaanein mere gham-khwaroN ki
Mere ashkon ka tamaasha sar-e-baazaar hua

Mere aangan mein hawaadis ki sawaari utri
Mera dil wajh-e-azaab-e-dar o deewaar hua

Ishq mein izzat-e-saadaat bhula kar aksar
Meer saahab ki tarha main bhi gunahgaar hua


Apni ujrri hui aankhon se shuaayen le kar
Main ne bujhti hui sochon ko jawaani di hai

Apni ghazlon k sukhan-taab sitaare chun kar
SangreizoN ko bhi aashufta-bayaani di hai

Husn-e-khaak-e-rah-e-yaaraaN se mohabbat kar k
Main ne har morr ko ik taaza kahaani di hai


Mujhse roothe hain mere apne qabeele waale
Mere seene mein har ik teer-e-sitam toota hai

Lafz o ma'ni k taqaazoN se ulajh kar aksar
Mere haathon mera majrooh qalam toota hai

Karb-e-na-qadri-e-yaaraaN k bhanvar mein ghir kar
Baar-ha dil ki tarha shauq ka dam toota hai


Main k is shehr ka seemaab-sifat shaayar hoon
Main ne is shehr ki chaahat se sharf paaya hai

Mere a'ada ka ghazab abr-e-karam hai mujh ko
Mere ehbaab ki nafrat mera sarmaaya hai

Meri bikhri hui ruswaai hai shohrat meri
Mere sehra ki tamaazat mera sarmaaya hai


Mutma'in hoon k mujhe yaad rakhe gi dunia
Jab bhi is shehr ki tareekh-e-wafa likhe gi

Mere ghar k dar o deewaar mujhe sochein ge
Wus'at-e-dasht mujhe aabla-pa likhe gi

Mera maatam isi chup chaap fiza mein hoga
Mera noha inhi galiyoN ki hawa likhe gi...

[FaZi KhaN]

Qatl chhupte they kabhi sang ki diwaar k beech
Ab to khulne lage maqtal bhare bazaar k beech

Apni poshaak k chhin jaane pe afsos na kar
Sar salaamat nahi rehte yahan dastaar k beech

Surkhiyaan amn ki talqeen mein masroof raheen
Harf baarood ugalte rahe akhbaar k beech

Jis ki choti pe basaaya tha qabeela main ne
Zalzale jaag parre hain usi kohsaar k beech

Kaash is khwab ko ta'beer ki mohlat na miley
Sho'le ugte nazar aaye mujhe gulzaar k beech

Dhalte sooraj ki tamaazat ne bikhar kar dekha
Sar-kasheeda mera saaya saf-e-ashjaar k beech

Rizq, malboos, makaaN, saans, marz, qarz, dawa
Munqasim ho gaya insaaN inhi afkaar k beech

Dekhe jaate na they aansu mere jis se Mohsin
Aaj hanste huey dekha usey aghyaar k beech

[FaZi KhaN]

Lage na kiyun khud se mujhko pyaara, kabhi samandar kabhi sitaara
Meri musaafat ka ista'aara, kabhi samandar kabhi sitaara

Teri meri qurbaton ka mausam bikhar k simtte simatt k bikhre
Isi liye aankh mein utaara, kabhi samandar kabhi sitaara

Naya naya ishq karne waalo! hameeN se is ka zeyaaN bhi poocho
Bisaat-e-hasti pe ham ne haara, kabhi samandar kabhi sitaara

Tere liye jaagne ko mehkein kabhi gulistaaN kabhi charaaghaaN
Mere liye khwab ka ishaara, kabhi samandar kabhi sitaara

Wo kehkashaaN-zaad o sail-e-nikhat hamaare hamraah chal parra tha
Kahan tha varna hamein gavaara, kabhi samandar kabhi sitaara

Mere bhattakne pe jaan-e-Mohsin ye tanz kaisa k is jahaaN mein
Huey hain be-simt o be-kinaara, kabhi samandar kabhi sitaara

[FaZi KhaN]

Tan pe orrhe huey sadiyon ka dhuaaN shaam-e-firaaq
Dil mein utri hai ajab sokhta jaaN shaam-e-firaaq

Khwab ki raakh sameitte gi bikhar jaaye gi
Soorat-e-sho'la-e-khursheed rukhaaN shaam-e-firaaq

Baais-e-raunaq-e-arbaab-e-junooN veeraani
Haasil-e-wehshat-e-aashufta-saraaN shaam-e-firaaq

Tere mere sabhi iqraar wahin bikhre they
Sar jhukaaye huey baithi hai jahaaN shaam-e-firaaq

Apne maathe pe saja le tere rukhsaar ka chaand
Itni khush-bakht o falak-naaz kahaaN shaam-e-firaaq

Dhalte dhalte bhi sitaaron ka lahu maangti hai
Meri bujhti hui aankhon mein ravaaN shaam-e-firaaq

Ab to malboos badal kaakul-e-be-rabt sanwaaar
Bujh gaeeN shehr ki sab raushniyaaN shaam-e-firaaq

Kitni sadiyon ki thakan is ne sameitti Mohsin
Ye alag baat k ab tak hai jawaaN shaam-e-firaaq

[FaZi KhaN]

Kathin tanhaaiyon se kaun khela, main akela
Bhara ab bhi mere gaaon ka mela, main akela

Bicharr kar tujhse main shab bhar na soya, kaun roya
Ba-juz mere bhi ye dukh kis ne jhela, main akela

Ye be-aawaaz banjar ban k baasi, ye udaasi
Ye dehshat ka safar, jangal, ye bela, main akela

Main dekhoon kab talak manzar sohaane, sab puraane
Wohi dunia, wohi dil ka jhamela, main akela

Wo jis k khauf se sehra sadhaare log saare
Guzarne ko hai toofaaN ka wo rela, main akela

[FaZi KhaN]

Bharkaaein meri pyaas ko aksar teri aankhein
sehra mera chehra hai, samandar teri aankhein

phir kon bhala dad-e-tabassum inhein day ga
roein gi bohat mujh say bichar kar teri aankhein

bojhal nazar aati hein bazahir mujhe lekin
khulti hein bohat dil mein utar kar teri aankhein

ab tak meri yaadon say mitaaye nahi mit'taa
bheegi hoi ik shaam ka manzar teri aankhein

mumkin ho toh ik taaza ghazal aur bhi keh loon
phir oarh na lein khuwaab ki chaadar teri aankhein

yun daikhtay rehna ussay achaa nahi Mohsin~
woh kaanch ka pekar hai toh patthar teri aankhein

[FaZi KhaN]

Dill main na ho jurrat tu mohabbat nahi milti
khairaat main itni bari doulat nahi milti

kuch log yoon hi sheh'r main hum se bhi khafa hain
har aik se apni bhi tabiyat nahi milti

dekha tha jisey main nay koi aur tha shaiyad
wo kon hai jis se teri sourat nahi milti

hanstey howe chehroon se hai bazaar ki zeenat
roney ko yahan waise bhi fursat nahi milti.!

[FaZi KhaN]

Yun koi chor diya karta hay apna kar kee??
tum ne to maaar diya hay mujhe tanhar kar ke

eik nazar daal kabhi meray maseeha mujh par
tera kiya jai ga beemar ko acha kar kee

aye mohabbat k marahal se guzarne walayy
tu ne ansoo kabhi dekha hai sitara kar ke

mai bohot jald bhanwar mai tujhee yaad aonga
itna khush bash na rah mujh se kinara kar ke..

[FaZi KhaN]

Ik shaksh raat phir meri hasti pe chah gaya
itna qareeb aya k dil mai sama gayaa

wo ik pal jo de gaya asoodge k saath
jazbo ki taza dhoop mai pagal bana gaya

phele mere wajood pe utra wo boond boond
barsa to phir ghata ki tarah mujh pe chah gaya

wo jab mila to pyas se lab khusk they bohot
lota to hasrato ko woh pani pila gayaaa

paband kar gaya mujhe woh lamho ki qaid mai
ankhoon pe apni yaad k pheray bitha gaya..

[FaZi KhaN]

raat samandar,chand,hawa or tanha mai
khuwab azab ki ye duniya,or tanhai mai

janay kab se gum sum yunhi bethi hoon
bheegi shaam,tera rasta,or tanha mai

kash koi to mera bhi hamraz banay
mujh se saray log khafa or tanha mai

chand bhi,akhir mera angaan chor gaya
raat ka pichla pehar dhala or tanha mai

saath nibhaya bhi to us ne yun ,kOOSAR
jese ik mabham saya, or tanha mai..

[FaZi KhaN]

mujhae soooo khushi nahin chahiyae,mujhay ek khushi ki talaash hai
mujhae chordh k jo chalye gaye,usi zindagi ki talaash hai

meri jaan mujh se khafa hui,wo na jaane kis jahan main ja chupi
wo gali k jis main hai jaan meri,mujhay us gali ki talaash hai

hamein muflisi main sukoon tha,hamein zindagi ka junoon tha
hamein jis ne bakhsha shauoor tha,usi muflisi ki talaash hai

mujhay her kise se raha hai pyaar,chahay phool ho,chahay ho wo khaar
mujhay her kise se hai khaas uns,mujhay her kise ki talaash hai

karein baat bhi to na shoar ho,k aman ka pehla sa daur ho
mujhay shor-o-ghul nahin chahiye,mujhay khaamoshi ki talaash hai

k her ek shair ho ek hiyaat,k ho chaand taroan ki ek baraat
jise sun k log gunwaayae hosh,usi shairi ki talaash hai


hai banawati yahan pyaar bhi,kai hai aarzi-e- khumaar bhi
karein pyaar mer k bhi RAZ jo,usi aashiqee ki talaash hai.!

[FaZi KhaN]

Fishar-e-hijar meri rooh may utar bhi gaya
dua-e-wisl me baqi tha jo asar bhi gaya

ab is k bad kari dhoop ka safar hi to hai
may jis ki chaho may rehte thi woh shajar bhi gaya

karen to kis se karen, apni be ghari k gila
kahan ka ghar tha?k jis ko kahen k ghar bhi gaya

uthaye rekhti to shano pe reh gaya hota
jhuka diya tha,so is juram mai ye sar bhi gaya

hawa bhi tund thi,ghayal bhi tha wajood meraa
faqat ye jaan hi nahi naqd bal o par bhi gaya

hunar to ghum ko chupanay ka may bhi rekhti thi
kuch aise ghum bhi milay hain k ye hunar bhi gaya

shaheed ishq thi,khoaye ANNA bhi rekhti thi
wafoor zabt may ahwal chasma-e-tar bhi gaya

na aya is ko yakeen haan magar nahi ayaa
koi kisi ki mohabbat mai aaj mar bhi gaya

yun meray naam ko badnaam kar diya us ne
k dil mai tha kisi ruswaye ka jo dar wo bhi gayaa

wisaal or kaha khojti phiroon KOSAAR
wo eik hijar ka mosam to ab guzar bhi gaya..

[FaZi KhaN]

Usii Aik Fard Key Waastey Meray Dil Mein dArd hAi Kis Liye
Meri Zindgii Ka mUtaliba wOhi Aik Fard hAi Kis Liye

tOo jO Shehar Mein Hii mUqeem hAi tO mUsafrat Ki Fiza hAi kyOn
Tera KarwaaN jO Nahii Gya tO Hawa mein Gard hAi Kis Liye

Na Jamaal o hUsn Ki Bazm hAi Na JanOon o Ishq Ka Azm hAi
Sar e dAsht e Rakhs Mein Har Gharii kO Baad Gard hAi Kis Liye

Teray hUsn Sey Yeh Pata Chala tUjhey Dekh Kar Yeh Khabar hOii
JahaaN Raasta Hii Nahi kOii WahaaN RAh nOrd hAi Kis Liye

jO Likha hAi Meray Naseeb Mein Kahien tOo Ney Parh tO Nahi Liya
Tera Haath Sard hAi Kis Liye Tera Rang Zard hAi Kis Liye

wO Tark e Rabt Ka Ehd Tha Kahien tOotney tO Nahi LaGa
Teray Dil Key dArd kO Dekh Kar Meray Dil Mein dArd hAi Kis Liye

kOii Waasta jO Nahi Raha Teri Aankh mein Yeh Nammi hAi kyOn
Meray Gham Kii Aag kO Dekh Kar Teri Aah Sard hAi Kis Liye

[FaZi KhaN]

KahaaN KhO Gaii Meri Zindgii Na kOi Pata Na kOii Khabar
Bhala Kya Milla hUmien Ishq Sey tOo Bhi DarBaDar Mein Bhi Darbadar

wO KhizaaN Ki Aamad Sey PaiShtar JahaaN BAat Kartey They Baith Kar
USii Amr Bail Kii ChaaOn Mein kOii RAah Takta hAi Raat Bhar

Abhi Din Charha hAi Zara Zara Aey Sawaad e Shab Abhi Thehar jAa
Abhi Kehna Chaha Tha HAal e Dil tOo Bhi Chal Diya mUjhey ChOr Kar

Na Hii Dil Mein hAin Teri Chaahatien Na Shikayatien Na Adawatien
tO Yeh Kya K Aankhien Chalak Parien Kabh hO Gya jO Tera Zikr

KahaaN dhOondtey hO Mera Pata Main wO PhOol hOn jO Bikhr ChUka
Milien Ujrey Ujrey Sey Baam o Dar tO Yeh Sochna K hAi Mera Ghar

tUjhey KhO Key Aankhien Bahaaien KhOon, tUjhey Paa K Bhi Na Mila SakOon
Meri Chaahatien Bhi Ajab Rahien Meray SilSiley Bhi Ajeeb Tar

Main KahOn Kisi Sey Bhi tO Kya KahOn hUa mUjh Pey Taari Ajab FasOn
Keh SakOot e Shab Meri Zindgii Key Gham o Alam Meray hUmSafar

JahaaN tUm They mUjh Sey Khafa hOye JahaaN Apney Rastey jUda hOye
Mein MilOn Ga tUm kO Wahien Kahien Usii RAah Mein Usii mOar Par

tUjhey Kya KahOn Meray hUm-Nawa K bUra hUa Ya Bhala hUa
Kabhi Zindgii jO Milli mUjhey tO RAhii Na BaaQii Meri Umr

[FaZi KhaN]

Dekh lo khuwaab magar khuwab ka charcha na kro...
Log jal jayein ge, Soraj ki tamanna na karo.

Waqt ka kia hai, kisi bhi pal badal sakta hai...
Ho sakey tu tum mujh pe bharosa na karo.

Kirchyan totay hue aks ki chubh jayein gi...
aur kuch roz abhi Ayina dekha na karo.

Ajnabi lagne lagne lagay, khud tumhein apna hi wujood,
Apney din raat ko itna tanha bhi na karo.

Khuwaab bacchon k khilonon ki tarhan hote hain,
Khuwaab dekha na karo, khuwaab dikhaya na karo.

Bekhayali mein kabhi ungliyaan jal jayein gi,
Raakh guzre hue lamhon ki kuraida na karo.

Moum k rishtey hain, garmi se pighal jayein ge,
Dhoop k sheher mein ye tamasha na karo....

[FaZi KhaN]

Pyaas Vo Dil Kii Bujhaane Kabhii Aayaa Bhii Nahin
Kaisaa Baadal Hai Jiskaa Koi Saayaa Bhii Nahin
Berukhii Is Se Barii Aur Bhalaa Kyaa Hogii
Ek Muddat Se Hamein Us Ne Sataayaa Bhii Nahin
Roz Aataa Hai Dar-E-Dil Pe Vo Dastak Dene
Aaj Tak Hamne Jise Paas Bulaayaa Bhii Nahin
Sun Liyaa Kaise Khudaa Jaane Zamaane Bhar Ne
Vo Fasaanaa Jo Kabhii Hamne Sunaayaa Bhii Nahin
Tum To Shaayar Ho Aur Vo Ik Aam Saa Shakhs
Us Ne Chaahaa Bhii Tujhe Aur Jataayaa Bhii

[FaZi KhaN]

dasht-e-tanhaa_ii me.n ai jaan-e-jahaa.N larzaa.N hai.n
terii aavaaz ke saaye tere ho.nTho.n ke saraab

dasht-e-tanhaa_ii me.n duurii ke Khas-o-Khaak tale
khil rahe hai.n tere pahaluu ke saman aur gulaab

uTh rahii hai kahii.n qurbat se terii saa.Ns kii aa.Nch
apanii Khushbuu me.n sulagtii hu_ii maddham maddham
duur ufaq par chamakatii hu_ii qatraa qatraa

gir rahii hai terii dil_daar nazar kii shabnam

us qadar pyaar se ai jaan-e jahaaN rakkhaa hai
dil ke ruKhsaar pe is vaqt terii yaad ne haath

yuu.N gumaa.N hotaa hai garche hai abhii subah-e-firaaq
Dhal gayaa hijr kaa din aa bhii ga_ii vasl kii raat

[FaZi KhaN]

Dil ki chaukhat pe ek deep jala rakha hai
Tere laut aane ka imkaan saja rakha hai

Rooth jaatay ho to kuch aur haseen lagtay ho
Hum ne yeh soch ke hi tum ko khafa rakha hai

Tum jisay rota hua chhorr gaye thay ek din
Hum ne us shaam ko seenay se laga rakha hai

Chein lene nahin deta yeh kisi tor mujhe
Teri yaadon ne jo toofaan utha rakha hai

Jaanay waalay ne kaha tha ke woh laut aaye ga zaroor
Ek isi aas pe darwaaza khula rakha hai

Tere jaanay se jo ek dhool uthee thee ghum ki
maniay us dhool ko aankhon main basa rakha hai

Mujh ko kal shaam se woh bohat yaad aanay laga
Dil ne muddat se jo ek shakhs bhula rakha hai

Aakhri baar jo aaya tha mere naam Zaidi
Mein ne is khat ko kalejey se laga rakha hai…

[SaGhiR]

Usii Aik Fard Key Waastey Meray Dil Mein dArd hAi Kis Liye
Meri Zindgii Ka mUtaliba wOhi Aik Fard hAi Kis Liye

tOo jO Shehar Mein Hii mUqeem hAi tO mUsafrat Ki Fiza hAi kyOn
Tera KarwaaN jO Nahii Gya tO Hawa mein Gard hAi Kis Liye

Na Jamaal o hUsn Ki Bazm hAi Na JanOon o Ishq Ka Azm hAi
Sar e dAsht e Rakhs Mein Har Gharii kO Baad Gard hAi Kis Liye

Teray hUsn Sey Yeh Pata Chala tUjhey Dekh Kar Yeh Khabar hOii
JahaaN Raasta Hii Nahi kOii WahaaN RAh nOrd hAi Kis Liye

jO Likha hAi Meray Naseeb Mein Kahien tOo Ney Parh tO Nahi Liya
Tera Haath Sard hAi Kis Liye Tera Rang Zard hAi Kis Liye

wO Tark e Rabt Ka Ehd Tha Kahien tOotney tO Nahi LaGa
Teray Dil Key dArd kO Dekh Kar Meray Dil Mein dArd hAi Kis Liye

kOii Waasta jO Nahi Raha Teri Aankh mein Yeh Nammi hAi kyOn
Meray Gham Kii Aag kO Dekh Kar Teri Aah Sard hAi Kis Liye

nice , kya baat hai faraz

[FaZi KhaN]

Thanks sani bhai